Сонце на долонях


-???-

Лемківські жарти

Іншe


НАЙВЕКША БІДА
(жартівливий)
Наші няньо у корчмичці
Днюют і ночуют.
Лем кусіся, лем на ютро
Домів ся вказуют.
Аж прилітат синок:
Няню, подте д хаті.
Бо нам мама захворіли
І не можут встати.
- А най почкат, зараз приду,
Най кус одпочине.
А я мушу то допити –
Ту флящинка вина.
- Подте зараз, бо наш Ванцьо
Упав до пивниці.
Лем най почкат, зараз приду
Подам му палицю.
- Подте, бо барилка впала
І згорівка тече.
- Почкай, почкай, што ся ставо,
Што ти таке речеш.
Става ся найвекша біда,
Што ся могла стати.
Треба било о тим, драбе,
Одраз мі сказати.

***
Лемко ся зьвідує лемка.
Якби-сте жили в Польщі, ким би-сте ся чули?
- поляком.
- А якби-сте жили - в Америці?
- американцьом.
А в Україні?
українцьом
В Росиі?
- руским
- А ким би-сте били?
- Лемком...


В ДОХТОРА
Пацієнтко, та престаньте юж бесідувати.
Не можу.
Но то добрі. Висуньте язика і стійте так, з одкритим писком, покля я не випишу рецепта.

***
А чи шанує тя твоя жена.
Ніт.
А чого?
Бо я ї – не родич.

***
- А ци любите ходити в гори?
- В гори – люблю, а в гору – ніт.


***
Петре, чув єм, же ся боїш своєй жены?
Ніт, я ся жены не бою. Лем ся бою того, што она може повісти.

***
Твоя жена барз крычит. Де ся она того навчыва?
Я єй навчив.
Бій ся Бога, ти што ці ж так крычиш?
Ніт. Я єй – лем б”ю...

***
Як ся нап”єш, то на други день тобі добрі, чи злі?
Мі єст добрі, а моїй жені – злі.
А як ты ся довідуєш о тым?
По єй крыку...

***
Мам барз розстройства желудка.
А од чого?
Од деревного вугля.
Але-м чув, же оно помагат.
Так, так, як зісти 7-8 пігулок. А я зів цівий кльоцок...

***
- Пане судия, прошу о розвід.
- З ким?
- З тестьом і тесцьовом.
- А ви брали з нима шлюб?
- Ніт.
- Но, то треба било взяти. Бо не можу вас розвести як-сте не в шлюбі.

***
Чым чоловік старши, то час му скорше тече.
А то ищи як?
Кус скоріше, то єм ся занимав любов”ю штири рази на ніч, а тераз – лем раз.


НОВООБРАНИЙ ВІЙТ
Як вам иде урядованя, куме?
Кусьцьок юж ліпше: гнески по раз перши, при підписуваню, ледве єм ся не здушив.


ПО ШТО КРИЧАТИ
Сруль и Пинкас идут до Америки. Нагло шифа ся зачинат топити, а Сруль зо страху окропні став кричати.
По што кричиш зьвідуєся Пинкас.
Шифа ся топит! – кричит Сруль.
Но што з того? То хибаль твоя шифа? – одповідат спокійно Пинкас.


ЙОЙ, ТОТИ ХЛОПИ
Таки ви хлопи, же лем любите обіцювати бабам вшито, але о дотриманю слова жаден з вас не мислит. Кпитеся, же аж смерт би-сте за нас понесли, а потим жаден ся намет оженити не хце.

ВИТЛУМАЧИВСЯ
Мошку, Мошку! – нарікат єго жена.
Поштом-ся видала за тебе? З тебе такий галкан, лінюх... не заслугуєш на то, же би-м била твором женом!..
Як то не заслугую? Я заслугую дашто ліпшого. Я заслугую на ліпшу жену...

***
Молодий чловече, ти цюлював мою дівку.
Я не можу вам на тото одповісти.
А то чого?
Я дав їй слово чести, же никому не повім.

НА СЕЛІ
Осифова: - Но ставай ищи раз старий пружняку!
Осиф: - Йой, кед єм барз змордований!
Осифова: - Прецінь єс през цілу ніч спав, як забитий, ти лінюху єден.
Осиф: - Но так, спав, лем мі ся сниво, же-м порубав два сяги дров през тот час.

НЕ НАКРУТИЛИ
Пияний стає перед аптеком, де виставлено било декілька стопнів зимна.
Што? Аж п’ят стопнів зимна? Так мі є тепло! Мусіли певно по циганити альбо забили накрутити термометр.

ЯК НЕЩАСТЯ, ТО НЕЩАСТЯ
Добра душо! Дай нещасному каліці.
А то што? Недавно-сте били сліпим, тепер зас закулявши, а заран будете немовним.

НЕ БУДЕ МАВ НА ДРУГИ РАЗ ОХОТИ
Хлоп, котри мав планну бабу, хтів ся єй позбити и скочив до глубокой води, жеби ся втопити. Баба виділа, як він скочив до води и виратувала го. На други ден спотикат єй кума и ся зьвідує:
Но, порадили-сте з хлопом?
Чом би ні! Так го-м спрала, же на други раз одийде му охота одбирати си житя.

***
Ци г вашим місті гродився хоч єден велький чловек?
Ніт. В нас ся родять лем діти.

ЦІЖ МУ ПРИПЕКЛО
Чого глядаш по земли?
П”ятьох корон.
Бійся Бога, стратив єс?
Ні, але мі барз треба.

***
Єдно в голові
Вам, хлопам, єдно в голові, - гварит жена.
Чом єдно. А прекуска?


Ні, то ні
Куме, будете істи пироги?
Чом би ні.
Як ні, то ні.


Чловек
На 20 років – гоп.
На 30 років – хлоп.
На 40 років – хлопчисько.
На 50 років – яко-тако.
На 60 років – як фляк.

Буденне життя
Життя стало таке буденне, - повідат Лемко.
А то чом?

Авто і світ
Споткали-ся два лемки:
Як ся маш?
Купив єм авто, звидіти світ.
Добрі! Але котрий: тот ци тамтот?

Скупий кум
Куме, але сте скупий! Люди г войну снігом ся ділили.

Одвдячив
Отец пытат ся сына.
Хто ти дав по челі?
Колега ся вернув з весільной выцєчкы.
Но и што?
То я го намовив о женячку…


Юж пізно
Посьвітити вам, куме, на сходах?
Дякую красні, юж пізно, я юж лежу…

***
Баба пришла до шпиталю і зьвідуєся когоси:
Де ту дохтір до дупы?
Прошу пані, ту вшитки дохторе до дупы.

Што ж она винна
Чула-м, же оддаєте дівку за Осафата. Не жаль вам оддавати дівку за такого старого дзяда?
Што ж я тому винна, же ся такий трафив.? Ганця юж в таких роках, же не може перебирати.

Скутки пиятики
В єдним домі ся зобрало дост люди и єден хвалив господаря, же през ціле житя нич не пив и дочекався гардого віку, бо має юж 85 років.
- То ищи не дуже гардий вік – одрюк господар. Мій брав дожив юж 96 років, а одколи го панятам, то ищине било дня, жеби ся не опив, як беля.

В школі
Научитель:
Што отримаш, як три рази підеш до комори, а за каждим разом возме по два ябка
Школяр (без намислу):
Кий.

В суді
Судія:
Надармо ся выкручуєш. Крадіж доведена, бо тя зрадила жена. Ци хоч на правду обіцюєш того не робити?
Оскаржений:
Обіцюю, же юж ніколи жадний бабі не скажу, де и што-м крав.

***
Яки два слова люблять уживати учні?
Не знам.
От, от, якраз тоти два.

***
Андрійку повіч мі, што єст хырбет
Хырбет, то єст част, на які з єдного кінця сідит голова, а з другой сторони сіджу я.

***
Єден злодій перед судом взяв сой доброго адвоката, які так добрі обороняв підсудного,
Же го оправдали.
Відиш, як я тебе добрі обороняв, то дай мі бівше пінязяв
Велька штука. Як бы-м перше знав, же-м такі не винен, то бы-м нияк не брав адвоката.

***
Ци давно гмер ваш муж?
За тыжден по шлюбі.
Но то хо ся довго не мучив.

***
Повічте газдо. Кілько буде ищи кілометрів до Криниці?
Та буде зо три з гаком.
А кілько буде мав той гак.
Певні зо п’ят кілометри...

***
Повідают, же женати довше жиют як не женати.
Ніт, то неправда. Женатим лем ся житя довше тягне.

***
Тату, купте мі тоту трубу.
Обійдешся, а то будеш цілий ден трубіти и не даш мі робіти.
Ніт, тату! Я буду трубіти лем гтовды, як ви будете спати.

***
Гнеска в кіно ся зопсуло світло.
То, напевно, мусіла ся стати велика паніка серед глядачы.
Наоборот. Паніка ся зачала, як ся світло засвітило…

***
Чом не виходите заміж? - зьвідали ся підстаркуватой дівкы.
Нашто, кой мам дома папугу, кота і пса.
Но и што з того?
Папуга цілісінькый ден кне, пес химерыт, в кіт ся цілу ніч деси волочыт…

***
Мам надію, же в нашим готелю вам буде як дома…
Як так, то барз красні дякую. Ліпше піду до иншого готелю.

***
Єдного разу адвокат захищав в суді двох злодіїв: єдного за крадіж вден, другого за крадіж вночи.
Пан прокурор обжалував мого першого клієнта за то, же крав безсовісно в білий ден, а другого за то, же крав, користуючись покровом темной ночи. То ся зьвідую пана прокуратора, коли, властиво, чловек має красти?

***
Ци-сте виділи, як підсудний забив вашу тещу?
Видів єм, пане сендзьо.
То чом-сте не пришли на поміч?
Я хотів му помочи, але коли-м гвидів, же він ся сам з ньом справит, постановив єм – ся не втручати.

***
До села по довгих мандрах вернув ся Петро. Зобрав ся гурт люди, а Петро ся вихвалят:
Обіхав єм Турцию, Єгипет, Францию…
А в Америці сте были?- зьвідав ся кум Ваньо.
А як же…
А тєлєфон сте віділи?
Та не лем відів, але й го ів.
Йой, куме, та то дріт!
Як дріт, то ніт…

***
Ваньо ся дознав, же хтоси ся навідує до його жены. Якоси сказав жені, же го даякы час не буде, а сам ся сховав за купом соломи. Аж відіт Петро зашов до його хыжы. През пару мінут пукат и він до дверы.
Каська ховат Петра до комори, де они тримали палюнку. Ваньо обшукав хижу, а про комору забив. Деси через дві неділі захтів сой випити кус паленкы и заходит до той комори. Відіт, а там Петро лежит ледве жывий. Ваньо ся го зьвідує:
Што хцеш мойой жены?
А Петро одповідат:
- Ніт, хліба.

***
Лемка принимают в партию(КП).
Комісія ся зьвідує в него:
ТИ Лєніна знаш?
Знам.
А хто на портреті?(показуют на портрет Лєніна).
Лемко ся посмотрив і повідат:
- Мі ся здає, же то Міхал. Направду – то Міхал…
***
Ваньо ся преспав з моводом дівком, а ютром она повідат:
Може підеме до мойой мами?
А Ваньо подумав кусіся і гварит:
- До тебе можу прити ищи зас, а до мами – ніт.

***
Петре, а ти знаш, што лемки откривали Америку два рази?
Ніт.
Но то би-с знав, же перший раз для себе, а другий раз для Колюмба.

***
Який ти щасливий! В тебе красна жена, все модно одягнена, ефективно зачесана. Не розумію, чим ти не задоволений?
Як то чим? В обід, в яку каструлю ся не посмотрю, то там лем бігуді пливают!

***
Я прочитала, же в якій -то далекій державі мужи спродают своїх жен. А ти би мене продав?
Ніт, я би тебе подарував…

***
Чом ти плачеш?
Бо мама назвала няня ослом, а він єй гуском. И я тепер не знам хто я такий?

Трафунок на дорозі
Інспектор до водія:
Ви пияний.
Ніт. Што ви…
Дихнийте… Цикаво. Нич не показує. Напевні ся зламав.
Дихнув сам:
Йой, та ніт. Працує…

***
Ти чого плачеш?
Бо няньо вчера ня побили і мі ставо гнескы себе жаль.


***
Ваньо ся зберат прейти през потік, але зодягнений.
Петро му гварит:
Чом ся не роздіваш?
А пошто. Ищи ся простужу.

***
Зят на Великдень випив юж барз горівки. Тесть ся зьвідує:
Но то што, вип’єме ищи?
Як лем зараз зможу ся підняти і зробити пару кроків, то ищи вип’єме, а як не зможу, то юж піду домів.

***
Ваньо з Петром п’ют палюнку. Петро гварит:
Я буду пив докля буду видів на столі закуску.
Боже ся змилуй, ти што хцеш осліпнути?
Та ніт. Хцу тото вшито зісти.

***
Малого Іванка ся зьвідали про сестриного жениха:
Ківко му років?
Та не знам.
А ци молодий?
Напевно, бо ищи му волосья на голові не виросло.

***
Погостив би-м вас, куме, але неє дома нич путнього. Ци би-сте не іли вчорашню киселицю?
Йой, та ся не одмавлям.
В такім разі придте заран…

***
Лемкиня иде на ярмак до Риманова. Єй здоганят газда, што їде на возі.
Йой, нанашко, сідайте на віз.
Лемкиня ся викарабкала на воза, але тлумака з плечей не знимат.
Та здоймийте той тяжкий тлумак і положте го на возі.
Йой, газдо, дай вам Боже, што мене везете, а тлумак я юж потримам на плечах.

***
Діти, ано бігом ся мити!
Не треба, бабусю, ми пізнаєме єден другого по голосі.

***
Малому Ваньови ся сприкрили плач і крик братика, што ся недавно гродив.
Мамо, а одкаль ся нам достав такий крикун?
Не повідай так о ним. Його нам послали з неба.
Ага, послали. Ліпше мі повіч, же го одтамаль вишмарили.

***
Свідок, ви мате розповідати лем тото што-сте виділи на своі очи.
Розумію, пане сендзьо.
І так, коли-сте ся гродили?
Того не можу повісти , бо-м не видів.

***
Адміністратор готелю до клієнта:
Як не докажете, што тота дама ваша жена, то не поселю вас до єднай комнати.
Пане, як ся удаст вам доказати, што тота дама не єст моя жена, то то я буду вас на руках носив докля буду жив.

***
Жена:
Заран ся виповнят двадцет років, одколи ми женати. Може заріжеш з той нагоди курку?
Муж:
А чого, хибаль она в тим винна!?

***
Муж ся вернув домів раніше як все, і застав жену з незнайомцьом.
Познайомся, милий, то Стефан з сусіднього села.
І ти, Штефаню, ся знаком – то мій муж. Но тепер сой побесідуйте, а я викличу «скору поміч».

***
Чукча сідит на березі океану і голосит:
Бідна держава! Бідна держава!

Підходит поліцай:
Про яку державу ти так кричиш?
Та лем про Америку. Аляску купила, а на Чукотку юж їй гроші забракло…

***
Повіч, чоловіче, што би-с робив, як би-м хпала до річки?
Полетів би-м в сусіднє село за допомогою.
Але тото село прецінь далеко!
То нич. Для тебе, кохана, я би і далі полетів.

***
Марись, а ківко мовока ти надоюєш за ден од своєй корови?
П’ятнадцет літрів.
А ківко продаєш?
Та двадцет…

***
Ци-сте виділи мого коня?
Ба якже, відів.
А де він пішов?
Йой, та єм ся го не зьвідав.

***
Побожна Євка почула голос з неба:
Ти добра християнка. Повіч, чим тя винагородити. Але знай, же сусідка Ганця отримат в два рази бівшу винагороду.
Дай, Боже, аби-м оглухла на єдно ухо…

***
По чім ти ся дознаєш ківко років має курка?
По зубах.
Але курка нема зубів.
Так, але я мам.

***
Моя жена має вельке щестє, она все дашто находит: то кофту нову, то хустку, то пінязі.
А я лем єден раз нашов під свойом подушком мужски труси, але тоти били не мої…

***
Минат п’ятнадцет років, як Петро ся оженив з Марисьом.
Цікаво, што він мі подарит?- думат Марись.
Гм, Як би-м єй вбив п’ятнадцет років тому, то юж би мня випустили на волю.- думат Петро.

***
Штефан на базарі продає козу. Знакоми ся го зьвідує:
Ти чого продаєш свою козу?
Як чого? Не дає мі мовока.
А чого козу не продає твоя жена?
Бо їй дає!!!

***
Штефане, як ти ся нап’єш, то ти добрі чи злі?
Мі добре, а моїй жені – барз злі.
А як ти ся о тим довідуєш?
Та як , по єй крику.

***
Штефане, а як ся називат тото місце на котрим ти сідиш?
Сідзенє.

***
Штефане, а чи могла би твоя жена сторожувати.
Ніт.
А чого?
Бо она гавкат лем на мене.

***
Научитель:
Ци довго Адам і Єва жили в раю?
Учен:
Покля ябка не дозріли на яблони.

***
Хлопец ся преспав з гардом дівком.
Йой, Ваню, мам барз бридку хвороту, але не пам’ятам як ся називат. Знам лем, же ся називат на букву «С».
…Ваньо ходив цівий місяц як пияний, не міг спати, страшні ся мучив. І все думав: «Яка в ней хворота?, Яка в ней хворота?, Може «СНІД», А може «СИФІЛІС»… А потим не витримав і біжит до дівки:
Марись, та згадала єс?
Та згадала – ср…чка…

***
Жена читат газету.
Лем послухай, - викрикує жена. – Єден паробок ся гвечер оженив з дівков, а рано єй забив.
Ту неє нич дивного, - поважні заключив муж. – Ти сама знаш, што рано од вечера мудріше.

***
У часі вечірки чужа дама звертат ся до сусіда по столі:
- Ви барз подібни до мого третього мужа…
- А ківко в вас биво мужів?
- Два.

***
Єден богач, який мав на душі дост гріхів, ся збудив од якогось шарудіня. Визвав слугу:
Ід по покоях, бо ту певні є злодій.
По короткім часі слуга доповідат:
Неє жадного злодія в домі, лем ви, пане…

***
Посмотр ся, любий, я купила сподні, што барз добрі окреслюют мою фігуру. Як ти думаш, што до них найліпше пасує?
Пващ до самих п’ят.

В ресторані
- Чим пояснити, же в курки, што-сте мі дали, єдна нога коротша од другой?
- Но и што з того. Ви ся не зберете з ньом танцювати!!!

***
То ти такий! Перед шлюбом обіцяв мі рай. А тепер не хочеш купити мі намет просту єдвабну сукню!
Моє серце, што ти хцеш од мене? Ци ти чула хоц-коли, же би в раю носили сукні та до того ищи єдвабни.

***
Ворожка
В скорім часі познайомитеся з чорнявим паробком і щасливі ся ожените…
Добрі, а не можете мі повісти як на тото ся подивит мій муж?

***
Фризиєр:
Як мам вас стригти?
Клієнт:
Мовчки.

Незамужня
Ти чом не бесідуєш?, – питаються дівки на гостині.
Я ищи незамужня… , - одповіла.

Дика гус
Оповісте мі, куме, о вашім полюваню.
Знате, вчера пред тим як іти на охоту, єм прехилив погарик, і хцу вам повісти, же мі барз повезло, бо єм лем вишов за хвіртку, а по дорозі чалапат дика гус. То так ся ставо, же-м на озера навіт не ходив.

***
Чи то єст правда, што г нас жени жиют довше за чоловіків?
Не вшитки. Лем вдовиці.

***
Теодоре, ти пошто пробив дірку в новій парасольці?
Аби-м видів, коли престане падати дощ.

***
Як ти можеш зраджувати свого чоловіка?
Як всі. А што ти знаш інший спосіб?

***
Де це ви, куме, так ся набрали?
Та… склали ся на трьох.
Та штоси ся не вірит
Та двоє не пришли.

***
Це жах. Ти приходиш домів гночи і я до ютра не можу заснути.
А ти давай мені бівше гроший і я буду приходив ютром…

***
Дохтір повів, же през два тижні буду ходив своіма ногами.
Ну і што?
Так ся ставо як він повів. Вчера єм спродав своє авто, же би оплатити за лікуваня.

У картинній галереї
Муж:
Це найгірши портрет серед тих што ту виставлени.
Жена:
Ти, што сліпи, перед тобом люстро…

***
Можна я вас поцілую?
Ви що, здуріли?
А я відів, як вчора вас цілував офіцер.
Але ж він не питав дозволу.

***
Я оддала тобі найкращи роки свого житя.
Не повідай так. Мі страшно подумати, што будут ищи гірши.

***
Зробити жінку щасливом легко… Лем барз дорого.

Вчени лемко
Єден лемко приіхав до села і ся хвалит кумови:
Я ся вчив десят років г місьті.
Тот ся задумав і гварит.
Певні жес бив барз дурний, же тя так довго научали.

Погана книжка
Єгомость на казаню зауважив:
- Погани книжки приводять до гріха! Може ви мате іх. Принесте до мня, же би спалити.
На другий ден пів-села принесли до церкви податкови книжки.

Не буду мовчати
Хлоп пришов домів і на підпитку.
Жена накричала на него. А він на то:
Спи стара і стуль писк.
Спати буду, але мовчати не буду.

Ся стане
Представте си, мій стари не вернв ся той ночи домів!...
Може з ним ся штоси стало?
Не знам, чи ся з ним чого-си не стало, але знам, што ся стане, як приде.

А як не гмреш
Лемко лежит на лужку барз хорий і думат о смерти.
Кохана моя, відиш я юж гмерам. Повіч мі, чи с любила іщи даком, чи лем мене?
А як не гмреш?.

Гіст на порозі
Мама єст дома?
Ніт.
А няньо?
Тіж ся сховали.

Заспокоїв
Пияний муж заспокоює жену:
Тихо, стара, не крич, я пропив не свої пінязі…
А чиі?
Кумови. Тоти, што він нам позичив на дирва.

Клон
Муж ся вернув до хиж, відит, же на лужку лежит якісь хлоп, і гварит жені:
А то іщи хто?
А тебе жовго не биво, то я си привела твойого клона. Ся подив. Він мА вшито тотот, што маш і ти, лем фігура не твоя…

***
Муж з женом в кума на гостині випивают. Муж гварит до жени:
Ганю, ти бівше не пий, бо юж мі ся двоїш.
А жена му одповідат:
- Ти тіж не пий, бо я тя юж не виджу.

***
Идут два хлопи коло ріки и єден до другого:
Недавно єм ту виратував єдного хлопа, же ся топив, а він пішов до дерева і ся повісив.
А чого-с го не спасав, як ся повісив?
А я си подумав, же він ся сушит.

***
Між Вільхівцьом а Полянами в ріци ся топив Полянчан і кричит:
Люде, рятуйте, бо я не знам пливати.
А ту надишов Вільховян і каже:
- Ти чого кричиш, я тіж не знам пливати, але не кричу о тим.

Жена до мужа:
Читала-м в газеті, же які-си чловек мал. 4 жени і всадили го на два роки до в’язниці.
Муж:
За кару, чи для одпочинку?

***
Жена плачучи повідат до мужа злодія:
Нашол єс собі иншу?
Чом ти таке пришло до голови? Не било тя вчера дома през цілу ніч, а в газетах не писали о жадних крадежах.

***
Жена в’язня просит о легшу роботу для мужа.
Він має барз легку роботу, бо клекіт паперови торебки.
Так, але по ті роботі цілима ночами мусит ищи копати якісь тунель.

***
Газда дому зімал злодія, як тот пакувал до мішка дорогоцінни річи.
Пущу тя вільно, але мусиш вшито висипати з мішка і лишити.
Не можу тото зробити, бо половина з тих ричів належит до вашого сусіда.

***
Газда з газдиньом наладували на віз ярини і іхают на ярмак. По якісим часі газдиня одзиват ся:
Старий поцілуй свою газдиню.
Одіхали кавальчик дороги і газдиня зас:
Коханий поцілуй свою жіночку.
По хвили:
Мужику, но дай гамби, притуль свою жену.
На тото газда:
Стара, знаш што? Пресяд з тих огурків на капусту.

***
Пришов газда на клейову стацію в Грибові, гарді позбираний з паличкком в руках. Дуркат до віконця і повідат:
Дайте мі паньюсю білет за десятку!
А где то іхате?
Где собі іхам, то собі іхам, а білет за десятку мі дайте!
Мушу знати в котру сторону іхате і до якой стациі, та мі повічте докаль іхате?
Кед юж так конечні хочете знати, то іхам до сина на крестини.

***
Газда пришол домів над раном і бил кус пияний. Жена го штормує:
Де-с бил так долго? Ціличку ніч єм не здримла.
А ти думаш, же я дримал?

***
Дохтор:
Обіцяли сте привезти свинью як вас вилічу.
Хворий:
Я о тим пам’ятам, але свиня ціж ви здоровіла.
***
Дохтор:
Запам’ятайте собі. На порожний жолудок николи не пийте пива.
Пацієнта:
А ци вистарчит випити пред тим порцийку руму?

***
Повідам вам, же зо свойом хворотом дожиєте принаймі осемдесятки.
Пане докторе, ци ся моє здоровля погіршило? Місяц назад давали сте мі сто років житя.

***
Пане дохторе, мам 40 років і юж єм цілком лисий.
Не мучте ся тим. Лисіня, то єст така хворота, котра ся николи не вертат.

***
Приходит молода пані до дохторя і повідат:
Ви повіли мойому мужу, же го болит нижче бріха. Розберетеся і вкажте мі точно, где болит мужа?

***
Пане докторе, мій муж ся почав сварити зо мном, вночи, як спит.
А в ден ся не сварит?
Ніт, вден ся сварю лем я.
То кого з вас тре лічити? …

***
Петро пришов до дохтора:
Мене барз болит жолудок.
Дохтор го осмотрив і повідат:
Не переживайте. З таком хворотом як ваша, дожиєте аж до смерти.

***
Хворий:
Што мам робити як ня вкусила жена?
Дохтор:
А чия, ваша чи чуджа?
Хворий:
А што, то ма значіня?
Дохтор:
Аякже. Як ваша, то вам тре давати заштрики. А як чуджа, то несмертельно.

О Святим Миколаю
Бесідуют два маленьки хлопчики:
Ци мате юж яличку?
Маме, але штучну.
А Святий Миколай юж бил в тебе?
Бил, але ціж штучний.

***
Малий Петрусь повідат до мами:
Мамо, мій лист до Святого Миколая з просьбом о подарунки може не дойти пред святами.
Чом так повідаш синочку?
Тепер собі єм припомнул, же не написал єм коду поштового на коперті.

***
Петрусь кричит на цілий голос:
Святий Миколаю, принес мі ровер!
Мама:
Чом так верещиш? Преціж Святий Миколай чує хоч би-с шепотом бесідувал.
Петрусь:
Та я знам, але няньо сут – на подвірци.

***
Петрусь пише лист до Святого Миколая:
хтил би-м нарти, санки і грипу на закончиня фериі святочних.

***
В школі научителька ся зьвідує діти ким би они хтіли зостати як дороснут.
Діти повідают, же співаком, акторьом, дохторьом, поліциянтом … Святим Миколайком.
Ци зато, же роздає подарунки?- зьвідуєся пані научителька.
Ні, зато, же до роботи мусит іти лем єден раз в роци.



***
Святий Миколай роздає подарунки дітям на улици. Вшитки діти берут лем по єдному подарункови, а Петрусь взяв два. Святий Миколай ся зьвідує в него:
А ти чого береш два?
Петрусь:
Як чого? Моя мама повідают, же я ім за двох.

***
Єдна жена ся зьвідує другой:
А ци тобі ся подабат спати з чоловіками?
А тота одповідат:
- А хибаль они дадут поспати?

Лем дай
Лемку, дам ти 5 злотих, лем не повідай «лем».
Лем дай.

Ніт
Лемка принимают на фронті в партию. Він пише в заяві: «Кед мня забют, то рахуйте комуністом. Кед ніт, то ніт».

Мудрий лемко
Приходит хлоп домів і повідат жені:
Пришов до нас новий директор, такий ладний, добрий, мудрий.
Жена:
То певні буде лемко!

***
Світ ся боїт, жеби не злучилися Німці з Лемківщином.
А то чом?
Бо пропаде Польща.

Ким ся чуєш
Молодята ся зьвідуют єден другого по шлюбной ночи.
Євко, як ти ся чуєш?
Добрі ся чую.
А ти, Ванцю, ким ся чуєш?

В корчмі
- Пане Мошку, ви мня обрахували на кєлішку палюнки!
- А пиво сте брали?
- Не брав.
- Но то треба било взяти.

Старий і пінязі
Як ти ся могла віддати за такого старого … ?
Кумо, як берете пінязі до рук, то ся не питате, з котрого они року?

Корова і вигляд
Научителька питат ся на уроци:
Хто зна, як виглядат корова?
Вшитки сідят тихо. А Ванцьо повідат:
Юж корова не виглядат, бо няньо забив вигляд до стайні.

А ти іх доів
- По смерти жени мав єм три корови і вшитки-м спродав.
- А то чом?
- Бо не хтіли мі давати молока.
- А ти іх доів?
- Ніт.

Мам спокій
Баби сой бесідуют:
Але мня болят зуби.
А мня ніт. Як зме ся поженили, то мі муж вшитки повибивав. З того часу мам спокій.

Про спідничку
По улици іде дівка. Єй обзирают парибки.
Але крас. Є на што ся призріти.
А она ся іх питат:
- Ви про што?
- Про твою ладну спідничку.

Раз!
Я си зо свойом женом вадив през ціле житя.
А то як?
Як зме іхали по шлюбі, то кін ся зашпортав.
Я повів: «Раз!». Зашпортав ся другий раз і я повів: «Два!». На третій раз – застрілив го. Жена скричала:
- Што-с глуптаку наробив?
Я повів: «Раз!».

***
Єден пияки шов през цмунтер и влетів до пустой могили. И нияк не може вилізти. Аж чує, же хтоси иде и зачав кричати:
Ратуйте ня! Ратуйте!
А тот, што ишов бив ціж пияний та й гварит:
- Як єс врізав дуба, то леж собі тихо. Чого-с ся розрив.

***
Жена приходит домів аж на ютро и зразу зачинат кричати на мужа.
Ти чого кричиш? – витріщив очи муж.
Як чого? А може тебе тіж не биво през цілу ніч дома.

***
Петро до Грица:
Я барз радий нашій стрічі.
Гриц до Петра:
- А то чого?
Петро до Грица:
Бо юж єм давно постановив ся напити за твої пінязі.

І пиво потягну
Прив’юз лемко жидови нарубани кльоцки. Жид заплатив і ся зьвідує:
Ти змерз Іване. Може вип’єш кєлішок згорівки, ци горня горячого молока або гальбу підігрітого пива7
Іван почухав голову:
Та вип’ю згорівки. А закля ся спражит молоко, то і пиво потягну.

Яким автобусом іхати
Малий хлопец в зоопарку звертаться до вітця:
Тату, а як з клітки ся вирве тигра і зіст тебе, то в якім автобусі мам іхати домів?

Яке ім’я
Украінец приходит до загсу з новонародженим хлопчиком.
Хцу зареєструвати дітину.
Просиме. А яке іменожичите для нього?
Гривна…
На жаль під таким іменом зареєструвати не можеме. То не імено, а назва пінязів.
Значит Франками і Марками мож діти називати, а Гривнями, то юж ніт.

Дошлюбне дитя
Марино, то певні гріх, же в нашой Оленки синочок ся вродив ищи до шлюбу.
Чом, же гріх? Одкаль мале дитя ся мало довідати, коли мало ся одбити весіля?

Єден кєлішок
Дохтор дозволив мі пити не веце єдного кєлішка на ден.
І ти ся дотримуєш того, што він ти повів?
Аякже, п’ю за каждий ден по єдному кєлішку, але юж в рахунок 3000 року.

Одкаль діти
Ви юж п’ят років женати, а дітей не мате. То чом?
Та одкаль ся они возьмут! Ми нигда не ходимеи до нас нихто не приходит…

Ци пришов злодій
Хтоси вкрав в єдного газди козу. В неділю війт оголосив: «Вшитким газдам, газдиням прити за два дні до гміни». Зишлося барз дуже селян, цєкави, што повіст війт о злодія. Війт вишов перед нарід і гварит:
А ци пришов Максим Коваль?
Пришов.
А ци пришов дяк Фецьо?
Пришов.
А ци пришов Данько Киселиця?
Пришов.
А ци пришов злодій?
Пришов – випалив єден газда.

Здогадливий
Хлопці, што там за гвавт?
Та бортаків б’ют.
Йой, та треба втікати.

Все находит дорогу
Жена до мужа:
Який єс невихований. Приіхала моя мама, а ти не зверташ на ней ниякой уваги. Взяв би-с та й повів даде.
А пошто буду єй одводив. Она и так дорогу назад однайде.

Хто алкоголік?
Тату, а хто такий алкоголік?
Як би то тобі витлумачити? Видиш на горі штири смереки. В алкоголіка вшито ся двоіт і він буде твердити, же іх там осем.
Тату, але там лем дві смереки.

Скандаль
Мама навчат ссвою 15-ти річну дочку.
Бер приклад з мене. Я юж 45 років, як єм оддана за твого тата і весь час кохала лем єдного мужчину…
Буде великий скандаль, кєд про тото ся довідат отец…

В склепі
- Синьку мате?
- Маме.
- А якого кольору?

***
Коли моя жена зачинат співати, то я виходжу з хижи.
А то чом?
Аби сусіди не думали, же я єй б’ю.

Сам винен
Ваша дочка ся погодила стати мойом женом.
Так тобі і треба. Не треба било ходити до ней каждого вечера.

***
Куме, чув єм, же сте купили гармонію. А ци хтоси г вашій родині гміє на ній грати?
Ищи ні. Але заран приде сусід і покаже, як то ся робит.

***
Што ся стало? – питат муж в заплаканой жени.
Я гивтнула іглу.
Є чого плакати! Я ти дам другу.

***
Раз єм вичитав в газеті, же треба перекладача без знаня іноземних мов. Ну, думам, нарешті-м нашов легку роботу.
Но и што?
Там зашов?
Но и што?
Та направду треба било ім. перекладача, але – товару з єдного місця на друге і до авта…

***
Што ся тобі стало, Іване?
Пожички мня мучат.
Певно заліз єс в долг і не маш чим процентів платити?
Є, гей.
І тото тя так мучит.
Тото ніт, лем тото, же юж мі веце нихто гроша не позичит.

***
Чом так барз плачете, мамо? – зьвідуєся оддана дівка.
Та зато, же юж єм цілий рік не виділа твого мужа, а свого зятя.
Та лем ся успокойте, мамо, і подумайте сой, же тот рік бив найліпшим і найщасливішим в його житю.

В войску на варті
- Сті, хто иде? – кричит вояк.
- Не бійтеся, пане вояку, я вам юж нич не зроблю – одповідат стара баба.

***
Отец зьвідуєся своєй дівки:
Чом єс вчера так пізно вернула домів? Де-с била?
На прогульці, няню.
І то сама єс била на прогульці?
С-с-сама.
А с ким єс била с-с-сама?

***
Двох газдів пют пиво і оповідают собі, як то пишут в газетах, де и як земля родит по світі. Єден повідат, же вичитав інтересну відоміст, же в єдним колхозі на всході росне така пшениця, як стовпи телефонічни.
Така висока? - зьвідуєся другий .
Ніт така рідка, - пояснює перший.

***
А ви читате «Бесіду»?
Ні.
А чом?
Бо не інтересна.
А што в ній неінтересне?
Та не знам, бо-м не читав.

***
Газдо, зайду я за годину до Нового Санча?
Ні, не зайдете.
А за дві години?
Тіж ніт.
А то чом?
Бо ідете в другу сторону…

***
Як ви могли зламати ногу?
Посмоттеся, видите в тоти сходи?
Виджу.
А я не видів.

***
Чув єс, же Грицови жена втекла.
Но и што?
Тепер юж нич, кус ся заспокоїв. А то наразі чут не здурів з радости.

***
Як там било на урльопі? – Зьвідуєся вспівробітник.
Перший тиждень на нартах.
А другий?
Другий в гіпсі.

***
Кєд вас преслідуютл юде, котрим ви довжні пінязі, то найліпше буду ся оженити з даяком багачком.
Не треба, хай ся женят мої позичкодавці, як хцут дуже пінязі.

***
Вчера сте били на полюваню?
Бив, а што з того?
І як ся вам повело?
Так не дуже, мало зме взяли.
Чого, зайців?
Та яких зайців, палюнки.

***
До шпиталя на одвідини пришла гарда молода дівка і питат ся дижурной6
Можна мі відіти пана поручника?
Ні, бо його мают право одвідувати тюлько родиче.
А я його сестра.
Дуже приємні, а я його мама.

***
Мамо, ви юж мате сиве волося.
Знаш, синку, родиче все сивіют як мают вперти діти, котри їх не слухают.
О, тепер я юж знам, чого то наша бабця цілком сива.

***
Синку, як будеш потрібував грошей, то напиш лист.
Няню, а не могли би-сте взяти лист тепер.

***
Петрик пришов зо школи і плаче.
Мама ся го зьвідує:
Што-с отримав7
Отримав єм п’ят.
А чого плачеш, треба ся тішити.
Вам ся добрі бесідує, як собі сідите на моїх цукерках.

***
Няньо ся зьвідує діти:
А в што ся бавите, діточки.
Бавиме ся в няня і маму. – одповідают діти.
А чого межи вами сідит пес?
Найстарший синок одповідат:
Няню, та то не пес, то тесцьова.

***
Мамо, чи можу я піти ся посмотрити затміня сонця? – зьвідуєся малий Петрик.
Та лем ид, але не підход близько до сонця.

***
Якоси няньо ся зьвідуют свого сина:
Де сут помиі?
В Італії.
Што?
Няньо почервонів і кричит:
Та ти сой з мене будеш смішки робити. Ждий, я ти покажу.
Ой, пробачте, я сой подумав, же ви питате, де сут Помпеі?.

***
Мамам ся зьвідує синка:
Синку, боцан принюс ти сестричку, хочеш єй видіти?
Сестричку, ніт, єй не хочу, але хотів би-м видіти того боцана.

***
Ким би-с хтів бити, як виростеш?
Научительом і маляром.
А чом то акурат так?
Бо научитель має вакациі в літі , а маляр в зимі.

***
Хлопчику, яке маш імено?
Не знам.
А як тя кличут, як треба іти їсти?
Мене не треба кликати істи. Я иду перший.

***
Помогло вам, газдо, лікарство на прочищаня?
Так, пане дохтор, два раз.
Як то, лем два раз?
Ано так: - перший раз од години 8 до години 12 без перерви.
а другий раз од години 16 до 20 тіж без перерви.

***
Пане дохтор, порадте, - моя дітина ся наіла піску, а я тим не знала і дала єм ся напити їй води.
Добрі, што не ціменту.

***
Ютром при обході.
Пане дохтор, штири хворих гмерли гночи.
А на кілько било лікарства вчера?
На п’ятьох, але єден не зохтів істи.

***
Пізно гвечері сестра будит хворого.
Чого мня будите, як видите, же я спю.
Бо-сте не випили порошки до спаня.

***
Ліпше бити хворим на тифус, а не мільонером.
А то чом?
Бо дохтор повідат, же мільонери гмерают вшитки, а хвори на тифу лем в 60 процентах.

***
Кєд не є свідків о вашій крадежі, то суд звільнят вас од кари.
Так, то барз добрі, пане судийо. То значит, же тото вшито, што-м вкрав, то єст моє.

***
Пане судия, я направду вдарив Петра лем раз.
А одкаль в него дванадцет синяків?
Та, направду, то било лем раз, але бороном.

***
Адвокат:
Тото, же шістьох свідків віділо, як мій клієнт крав, ищи неє жадним доводом. Я завтра припроваджу ту на салю аж шістдесятьох свідків, котри того не віділи.

***
Штос те зробили з першом женом?
Отрула ся грибами.
А штос те зробили з другом женом?
Отрула ся грибами.
А чого-сте задусили третю жену?
Не хтіла істи гриби.

***
Судия каже попросити наступного свідка.
Входит свідок в капелюху.
Свідок одкаль?
З Гуменного?
Капелюх, капелюх, - звертат увагу судия на накритя голови.
А – капелюх. Капелюх тіж з Гуменного.

***
Засуджую вас на двадцет днів арешту або двадцет тисяч злотих.
Я волю двадцет тисяч пінязі, бо мі бракує на пиво.

***
Сів собі газда при столі в ресторані і позерат доокола себе і гварит до офіціанта:
Подайте мі, пане, зісти того, што іст тамтот пан коло двери.
По пару хвилях приходит офіціант подряпаний на лици і гварит:
Нич з того не можу вам подати, што-сте хтіли, бо тамтот пан не хце оддати.

***
Я не буду ів тоту поливку, в ній ся купат муха.
Тихо, тихо. Лем не треба спішити. Почекайте кусцьок. Най ся она покупат, а потим можете істи.

***
Куме, а де ваша жена? Юж цілий руский місяц єй не вижу.
Поіхала на місяц до Криниці на купелі.
Што, она ся так забруднива, што цілий місяц ся мА одмивати.

***
Куме, а што єст ліпше? П’ятнадцет років арешту, чи до животя?
Певні до животя, бо п’ятнадцет років не каждий витримат.

***
Видите, куме, який єм, який, але ищи николи домів пияний не пришов.
Та то єст правда. Бо і гнески вас кума в фосі найде.

***
Повіч, Марись, а вишла би-с за дурака, який би мав барз гроши?
То би залежало од… од… . А ківко маш тих гроший.

***
Чув єм, же твоя жена єст небезпечні хвора.
Же єст хвора, то правда.Але небезпечна она єст лем гтовди, як єст здорова.

***
Куме, ци єст на світі хоц єдна жена, котра добре повідат о своїм мужу.
А єст, єст. Тота котра оповідат о своїм гмерлим мужу, свому другому мужви.

***
Престань бренькати на фортепіані.
А то чого?
Бо я гнески і так нигде не піду.

***
Буду тя любив вічно.
Било би не злі, але мій муж поіхав лем на тиждень.

***
Де ідеш, Максиме?
До корчми. А ти?
Я ціж иду домів.

***
Пришов газда до сповіди. Священик ся го питат:
П’єте газдо?
А што, Отче, мате дашто.

***
Циган вчит свого сина:
Сину, мусиш знати і все пам’ятати, же там, де ищи танцуют, - танцюй і ти, там други ідят, іч і ти.Але там, де інчи роблять, то тікай, а би-с не заваджав.

***
За што тя посадили?
За куру.
Як то за куру?
А так, задусив єм тесцьову и закопав, а кура нашва і вигребава.

***
Жена иде в санаторій.
Оленько, присягний, же будеш мі вірном женом.
Але, Петре! Перестань, сам знаш, же наперед присігати то єст глупство.

***
Вчера на зобраню хтоси поміняв мі капелюх.
Хто міг взяти такий старий капелюх? – зьвідуєся жена.
Не знам, бо я пішов перший.

***
Старший паробок каждий вечер зазирав до вдови.
Повіч, чом ся не ожениш з том вдовом? – Зьвідуєся приятель
Пару раз єм ціж мав такий намір, але роздумав єм, бо втовдий не буду мав кади ходити каждий вечер.

***
Як не будеш мойом женом, то гмру.
Не даст ся нич зробити, але я твором женом не можу бити.
І ставо ся так як сказав хлопец, він направду гмер, але як мав аж дев’ядесят років.




-???-


-???- | -???-